ഹിന്ദുസ്ഥാന്‍  മെഷീന്‍   ടൂ ള്‍സിന്റെ (എച്ച്എംടി) കളമശേരി യൂണിറ്റിന് റെക്കോര്‍ഡ് വിറ്റുവരവ്. എച്ച് എം ടി ലക്ഷ്യമിട്ടിരുന്ന 64 കോടി രൂപയുടെ വിറ്റുവരവാണു നടപ്പു സാമ്പത്തിക വര്‍ഷം കളമശേരി യൂണിറ്റ് നേടിയതെന്ന് ചെയര്‍മാന്‍ ആന്‍ഡ് മാനേജിംഗ് ഡയറക്ടര്‍ ജി കെ പിള്ള അറിയിച്ചു.

കഴിഞ്ഞ ഒരു ദശാബ്ദത്തിലെ ഉയര്‍ന്ന വിറ്റുവരവാണു കളമശേരി യൂണിറ്റ് നേടിയത്. 2001-02 ലാണ് ഇതിനു മുന്‍പ് വലിയ നേട്ടം കൈവരിച്ചത്. 55.8 കോടി രൂപയുടെ വിറ്റുവരവാണ് അന്നു നേടിയത്. കഴിഞ്ഞ വര്‍ഷം 47 കോടി രൂപയുടെ വിറ്റുവരവാണു ലഭിച്ചതെന്നും ജി കെ പിള്ള പറഞ്ഞു.

ശമ്പള പരിഷ്കരണം, റിട്ടയര്‍മെന്റ് പ്രായം പുനസ്ഥാപിക്കല്‍ എന്നിവയുള്‍പ്പെടെ ദീര്‍ഘകാല കരാര്‍ സംബന്ധിച്ച രേഖകള്‍ ധനകാര്യ വകുപ്പിന്റെ പരിഗണനയിലാണ്. ഇക്കാര്യത്തില്‍ ഒരു മാസത്തിനകം തീരുമാനമുണ്ടാകുമെന്നും ജി കെ പിള്ള പറഞ്ഞു.