കൊച്ചി: 2,300 കോടിയുടെ മുതല്മുടക്ക് പ്രതീക്ഷിക്കുന്ന സൈബര് സിറ്റി പദ്ധതി പ്രഖ്യാപിച്ചു.
എച്ച്ഡിഐഎല് (ഹൗസിംങ്ങ് ഡെവലപ്പ്മെന്റ് ആന്ഡ് ഇന്ഫ്രാസ്ട്രച്ചര് ലിമിറ്റഡ്) ആണ് പദ്ധതി പ്രഖ്യാപിച്ചിരിക്കുന്നത്. പദ്ധതി നടപ്പിലായാല് അറുപതിനായിരം പേര്ക്ക് തൊഴില് കിട്ടുമെന്നാണ് പ്രതീക്ഷിക്കപ്പെടുന്നത്.
"ഏറെ ആഹ്ലാദത്തോടെയാണ് പദ്ധതി നടപ്പിലാക്കുന്നത്. അറുപതിനായിരം പേര്ക്കാണ് ഇതിലൂടെ ജോലി കിട്ടാന് പോകുന്നത്. കേരളത്തിന്റെ പുരോഗതിക്ക് ഇത് അനുഗ്രഹമായിരിക്കും," എച്ച്ഡിഐഎല് ചെയര്മാന് രാകേഷ് കുമാര് വാന്ദവാന് പറഞ്ഞു.
പദ്ധതിക്ക് സര്ക്കാര് അംഗീകാരം നല്കിയിട്ടുണ്ട്. പദ്ധതി നടപ്പിലാക്കുന്ന പ്രദേശത്തെ പ്രത്യേക സാമ്പത്തിക മേഖലയില്പ്പെടുത്തിയിട്ടുണ്ട്. കളമേശേരിയിലാണ് പദ്ധതി നടപ്പിലാക്കാന് പോകുന്നത്. എച്ച്ഡിഐഎല്ലിനുവേണ്ടി ബ്ലു സ്റ്റാര് റിയല്റ്റേഴ്സ് പ്രൈ. ലിമിറ്റഡാണ് 2,300 കോടിരൂപ നിക്ഷേപിക്കുന്നത്. കളമേശേരിയില് എച്ച്എംടിയുടെ പക്കല്നിന്ന് വാങ്ങിയ 70 ഏക്കര് സ്ഥലത്തായിരിക്കും പദ്ധതി നടപ്പിലാക്കുന്നത്.
എളമരം കരീം പദ്ധതി നടപ്പിലാക്കുന്നതിനായുള്ള നടപടികള്ക്ക് തുടക്കംക്കുറിച്ചു, മന്ത്രി ജോസ് തെറ്റയില് ചടങ്ങില് പങ്കെടുത്തു. ആശുപത്രികള്, ട്രെയ്നിംഗ് സ്കൂള്, ഷോപ്പിംഗ് കോംപ്ലക്സ്, മള്ട്ടിപ്ലക് എന്നിവ ഉള്പ്പെടെയായിരിക്കും പദ്ധതി നടപ്പിലാക്കുക.
No comments:
Post a Comment