മോഹന്ലാല് കളമശേരിയില്
കഴിഞ്ഞദിവസം ഒരു പകല് മുഴുവന് മോഹന്ലാല് പരിശീലനത്തിലായിരുന്നു. വ്യായാമവും ഫീല്ഡിംഗ് പരിശീലനവും ബൌളിംഗ് പരിശീലനവുമൊക്കെയായി മോഹന്ലാല് ശരിക്കും തിളങ്ങി.
സ്പെയിനില് കുടുംബത്തിനൊപ്പം അവധിയാഘോഷത്തിലായിരുന്ന ലാല് ഞായറാഴ്ചയാണ് തിരിച്ചെത്തിയത്. യാത്രാക്ഷീണം വകവയ്ക്കാതെ പിറ്റേന്ന് രാവിലെതന്നെ കളമശേരി സെന്റ് പോള്സ് കോളജ് ഗ്രൗണ്ടിലെത്തുകയായിരുന്നു. യുവതാരങ്ങളായ രജത് മേനോനും മണിക്കുട്ടനും നിഖിലും മുന്നയും വിവേക് ഗോപനുമൊക്കെ മോഹന്ലാലിനൊപ്പം ക്രിക്കറ്റ് പരിശീലിക്കാനായതിന്റെ ആവേശത്തിലായിരുന്നു. കോച്ച് പങ്കജ് ചന്ദ്രസേനന് നായര് പരിശീലനത്തിന് നേതൃത്വം നല്കി.
കേരള സ്ട്രൈക്കേഴ്സിന്റെ ആദ്യമത്സരം കൊച്ചിയില് ജനുവരി 22ന് മുംബൈ ഹീറോസിനെതിരെയാണ്.
No comments:
Post a Comment